فيلم الأعيان يوثق تاريخ عائلات مصر القديمه وبيعرض لأول مره
قناة الوثائقيه اعلنت إن فيلم الاعيآن الموسم الأول هيتعرض النهارده التلات الساعه 10 بليل، واللي بينتجه قطاع الانتاج الوثائقي فـ الشركة المتحده للخدمات الاعلاميه الفيلم بيركز ع عائلات مصر الكبيره اللي كان ليهم تأثير كبير ف السياسه والاقتصاد والحياه الاجتماعيه ف النص الاول من القرن العشرين.
الفيلم دا مش بس حكايات، دا كمان فيه وثائق مهمه وشهادات اول مره تتعرض، ومعاهم مشاهد دراميه معموله مخصوص عشان الفيلم ده، عشان الناس تعيش الجو وتفهم اللي كان بيحصل وقتها.
وفيه موسم تاني جاي من السلسله دي عشان يكمل النجاح اللي عمله الموسم الاول من ضمن الحاجات التانيه اللي بتعرضها قناة الوثائقيه، فيه من روح مصر اللي بيحكي عن قصص وابتكارات مصريه، و وثائق العبور عن خطط حرب اكتوبر.
كمان في سيره الفن عن صالح مرسي، وحدث في 1973 عن اللي حصل ف مصر وقت الحرب، واغنيه النصر اللي بتحكي ازاي الاغاني الوطنيه رفعت الروح المعنويه للناس.
قناة الوثائقيه بتحاول تقدم محتوي مختلف ومعلومات مفيده عن تاريخ مصر بطريقه تشد الناس وتعرفهم اكتر.
