مقطع فيديو يعرض اجواء روحانيه وسكينه في بيت الله الحرام
عرضت قناة الإخباريه مقطع فيديو يوضح المشاهد الجميله والروحانيه اللي يعيشها الزوار والمعتمرين في المسجد الحرام، وكان واضح الطمأنينه والراحه الكبيره الي يحسون فيها اثناء اداءهم لمناسك العمره والصلاه، وسط خدمه متكامله من الجهات المختصه.
العدسه صورت لحظات دخول وخروج المعتمرين من الساحات والممرات بكل سلاسه، ما في اي زحمه ولا تعقيد، الكل يتحرك بنظام وهدوء، وهذا بسبب التجهيزات والتنظيم العالي اللي تشتغل عليه الجهات من بدري، علشان تضمن سلامة وراحه ضيوف الرحمن.
الجهات الحكوميه تشتغل 24 ساعه في خدمة المعتمرين والزوار، وتقدم خدمات في مجالات كثيره، مثل الامن وتنظيم الحشود، وكمان الرعايه الصحيه، وكل هذي الجهود تندرج تحت خطه كبيره ومتكامله، الهدف منها تيسير العبادات وجعل التجربه في الحرم مريحه وآمنه.
الفيديو كان فيه لقطات معبره عن مدى العنايه اللي تقدمها المملكه للحرمين الشريفين، وكيف إنها ما تقصر في توفير كل شي يحتاجه الزائر من لحظة وصوله إلى مكه لين ما يخلص مناسكه.
وهذي الجهود تعكس حرص القياده الرشيده على خدمه الاسلام والمسلمين، وحرصهم على ان يكون المسجد الحرام مكان يعكس أعظم صور التنظيم والسكينه، والله يكتب الأجر لكل من يساهم في هالجهود الجباره لخدمة بيت الله وضيوفه.
