ألفارو بينيتو يقول ريال مدريد يقدر يغلب برشلونه بس لازم يراجعو حالهم
في تصريح مفاجئ شوي من لاعب ريال مدريد السابق ألفارو بينيتو، قال إنو الفريق الملكي عندو كل الإمكانيات إنه يفوز على برشلونه سواء بالدوري أو حتى بنهائي كأس الملك، بس رجّح كمان إنو لازم يصير في تقييم وتحليل لكل شي صار بالموسم، سواء فازو أو لا، لأنو النتايج لحالها ما بتكفي.
بينيتو حكى وقال بالحرف: “أولاً، لازم نشوف كيف الموسم رح يخلص، بس مهما كانت النتيجة، لازم نعمل مراجعة شاملة. ريال مدريد يقدر ياخذ الكأس أو حتى يغلب برشلونه بالدوري بس حتى لو صار هالشي، وانتهى الموسم بأجواء إيجابية، برضو لازم نرجع نحلل وندقق بأداء الفريق.”
وكمل كلامه وقال كمان إنو الكل حكوا عن أداء الريال لما ما يكون عندهم الكورة، وإنو كان الأداء سيء جداً، وهو ما حاول يبرر هالشي.
وأضاف: “الفريق ما وفر كتير فرص هجومية لمبابي وفينيسيوس، يعني تقريبا كل الكور الي وصلتلهم، كان لازم هما يتصرفو فيها لوحدهم.”
بيّن كمان إنو الريال لازم يشتغل أكتر على طريقة اللعب بدون كورة، ولازم يخلق فرص أكتر للمهاجمين، لأنو الوضع الحالي ما يخليهم يبدعو أو يسجلو بسهولة، وهاد الشي لازم يتغير.
التصريحات هادي خلت الكل يتسائل: هل فعلاً ريال مدريد جاهز يواجه برشلونه بأفضل شكل؟ ولا في مشاكل أعمق محتاجه حلول؟
