نادي الشباب يحتج على ترتيب البطولات ويصف التوثيق بـ”العبث الرياضي”
مازالت ردود الفعل مستمره بعد اجتماع اتحاد كورة القدم السعودي، الخاص بتوثيق البطولات من بداية تأسيس الإتحاد عام 1955، واللي شهد اعتراض حاد من ممثل نادي الشباب، اللي رفع البطاقة الحمرا بسبب تغيير ترتيب النادي في قائمة المتوجين.
نادي الشباب نزل للمرتبه الخامسه في سجل أبطال الدوري، وراه النادي الأهلي في المركز الرابع، ودا الشيء اللي سبب إحراج كبير لليوث خلال الجلسة.
فارس العلياني ممثل الشباب صرح بعد الإجتماع لصحيفة “الشرق الأوسط” وقال: “إحنا كنا رابع الترتيب وفجأة صرنا خامس؟ اتحاد القدم سلم موضوع التوثيق للجمعيه العموميه، واللي للأسف بعض الأنديه اللي مالها تاريخ رياضي قاعدة تصوت وتقرر، وخبراء الفيفا كانوا ضيوف شرف بس”.
وأضاف: “أحسن الله عزاءنا في تاريخنا الرياضي، اللي صار عبث والمتضرر الوحيد منه هو الشباب”.
الجدير بالذكر إن 47 نادي صادقوا على نتائج مشروع توثيق تاريخ كورة القدم السعوديه، بينما نادي الشباب كان النادي الوحيد اللي رفض المصادقة على هذي النتائج.
