مانشستر يونايتد يخلص أول صفقه صيفيه ماتيوس كونيا جاهز
يبدو إن مانشستر يونايتد قرر يتحرك بدري في السوق الصيفيه، وخلص أول صفقاته بتعاقده مع البرازيلي ماتيوس كونيا مهاجم وولفرهامبتون، بداية من الموسم الجاي.
اللاعب خطف الأنظار الأسبوع اللي فات، لما سجل هدف الفوز على مانشستر يونايتد، في الجولة 33 من الدوري الإنجليزي، واللي زاد من أوجاع الشياطين الحمر هالموسم.
الفريق حالياً في المركز الـ14 بالبريميرليج، ومحتاج تغييرات كثير خصوصاً في خط الهجوم، بعد الأداء الباهت من الدنماركي هويلاند، اللي ممكن يرحل بالصيف.
وبحسب “سكاي سبورتس”، كونيا جاله أكثر من أربع عروض من أنديه إنجليزيه، لكنه فضّل اليونايتد، رغم وضعهم الصعب، ويبدو إنه شايف مستقبل واعد مع الفريق.
المثير، إن عايلة كونيا، ومعاهم وكيل أعماله، تواجدوا في ملعب أولد ترافورد، يوم مباراة ولفرهامبتون ويونايتد، وهناك بدأ الكلام الجدي مع المدرب روبين أموريم، اللي معجب جدًا بستايل اللاعب.
واضح إن مانشستر ناوي يرجع ينافس من جديد، وكونيا ممكن يكون البدايه لتشكيله جديده أقوى.
