ريلمي تقتحم الفئة المتوسطة العليا بهاتف Realme 14 Pro Plus الجديد بمواصفات قوية
ريلمي بتكمل في طريقها وبتحاول تحجز مكان ثابت في الفئة المتوسطة العليا، والمرة دي قدمت لنا موبايل Realme 14 Pro Plus، واللي ممكن نقول عليه واحد من أكتر الموبايلات اللي شدت الانتباه مؤخرًا وتصميم مختلف، مقاومة عالية للماء، كاميرات بتقدم تجربة محترمة، بطارية ضخمة، وشاشة ممتازة وتعالوا نحكي عن كل اللي يخص الموبايل ده بشكل بسيط وواضح.
التصميم والخامات Realme 14 Pro Plus
الهاتف بييجي بتصميم مختلف فعلًا عن اللي متعودين عليه في الفئة دي واللون الأبيض بيتغير حسب درجة الحرارة، ودي ميزة أول مرة نشوفها في موبايل متوسط والفريم بلاستيك، لكن شكله مش رخيص وزن الموبايل 194 جرام، وأبعاده مناسبة في اليد وكمان مقاوم للماء والغبار بشهادتين IP68 وIP69، وده مش سهل تلاقيه في الفئة دي.
الشاشة والتجربة البصرية
الشاشة هنا من نوع OLED، حجمها 6.83 بوصة، بجودة 1.5K، وتردد 120 هرتز ومنحنية من كل الأطراف، والسطوع بيوصل لـ 1500 شمعة، وده بيخليها مناسبة لأي إضاءة و الشاشة محمية بـ Gorilla Glass 7i , يعني من الآخر، تجربة المشاهدة هتكون ممتعة جدًا.
الأداء والمعالج
ريلمي استخدمت معالج Snapdragon 7s Gen 3 بتكنولوجيا 4 نانو، نفس الموجود في بعض الموبايلات المنافسة زي Redmi Note 14 Pro Plus والمعالج مش الأقوى، لكنه مناسب لاستخدام يومي وألعاب خفيفة إلى متوسطة والموبايل بييجي مع 12 جيجا رام، ونسختين من الذاكرة الداخلية: 256 و512 جيجا، بدون دعم لكارت ميموري.
الكاميرات والتصوير
الكاميرا الأمامية بدقة 32 ميجا بكسل وأما الخلفية فهي ثلاثية: الأساسية 50 ميجا بمثبت بصري، التانية للتقريب الحقيقي 3X وبتوصل لـ 120X ديجيتال، والتالتة Ultra Wide بدقة 8 ميجا والصور واضحة، والألوان متوازنة، والزوم حقيقي في وضع البورتريه وكمان الموبايل بيدعم تصوير 4K بمعدل 30 إطار في الثانية.
البطارية وسرعة الشحن
6000 مللي أمبير بطارية قوية جدًا، وبتكمل معاك اليوم مرتاح وكمان الشحن السريع 80 واط موجود في العلبة، يعني في وقت قليل جدًا الموبايل بيبقى شاحن بالكامل.
الصوت والاتصال
الموبايل بيدعم صوت ستيريو، وفيه مايك إضافي لعزل الضوضاء والاتصال كويس، وبيشتغل على كل الشبكات لحد الجيل الخامس، مع دعم Wi-Fi 6 وبلوتوث 5.2. مفيش منفذ سماعة 3.5 مم.
العيوب
- مفيش مدخل كارت ميموري
- الفريم بلاستيك
- مفيش HDR10+ في الشاشة
- مفيش منفذ سماعة
- تحديثات الأندرويد سنتين فقط
المميزات
- تصميم مميز ولون بيتغير مع الحرارة
- مقاومة ماء وغبار بمعايير عالية
- كاميرات ممتازة خاصة في الزووم والبورتريه
- شاشة قوية منحنية وتردد عالي
- بطارية ضخمة وشحن سريع
- واجهة حديثة ونظام تشغيل جديد
محتويات العلبة
- الموبايل
- شاحن 80 واط
- كابل Type-C
- جراب
- إسكرينة راكبة
- دبوس شريحة
- كتيب تعليمات
السعر
- في مصر: 26000 جنيه للنسخة 256 جيجا مع 12 جيجا رام
- في السعودية: 1550 ريال لنفس النسخة
لو بتدور على موبايل في الفئة المتوسطة العليا يقدم تصميم جديد، كاميرات ممتازة، بطارية قوية، وتجربة استخدام مستقرة، Realme 14 Pro Plus هيكون اختيار مناسب جدًا, الموبايل مش مثالي، لكن القيمة اللي بيقدمها مقابل السعر تجعله من أقوى المنافسين حاليًا.
