هونر تعلن عن هاتف HONOR X8c بشاشة اموليد وكاميرا 108 ميجا وبطارية قوية

تاريخ النشر: منذ 21 ساعة

🖊️ خالد جمال

📷 HONOR X8c

هونر بترجع تنافس في فئة الموبايلات اللي بين الاقتصادية والمتوسطة بهاتف جديد اسمه HONOR X8c، واللي بيقدم مميزات ملفتة خصوصًا في الشاشة والكاميرات، مع تصميم نحيف وانسيابي ولكن مع كل ده، في شوية تنازلات في الأداء والمعالج، خلونا نوضح الصورة كاملة.

HONOR X8c

تصميم خفيف ومتين: الهاتف جاي بجسم خفيف ونحيف، وده بيخليه مناسب للي بيدور على موبايل سهل في الاستخدام اليومي من غير ما يبقى تقيل في الجيب أو مزعج في الإيد والخامات بلاستيك أو جلد حسب اللون، والهاتف مقاوم لرذاذ المياه والغبار بمعيار IP64، وكمان معتمد بشهادة SGS إنه يتحمل السقوط لحد ارتفاع 1.8 متر.

شاشة ممتازة من نوع اموليد : واحدة من أبرز الحاجات اللي بتخلي الموبايل ده ملفت هي الشاشة , AMOLED بحجم 6.7 بوصة، بتردد 120 هرتز، ودقة 1080×2412 بكسل والشاشة دي مش بس ألوانها حلوة وتفاصيلها واضحة، لكن كمان سطوعها بيوصل لـ 2800 شمعة (فعلي 1200)، يعني حتى في الشمس هتشوف كل حاجة بوضوح وكمان فيها ميزة معدل وميض 3840Hz اللي بيريح العين لو بتستخدم الموبايل لفترات طويلة.

ربما تشاهد: أوبو تطلق A5 Pro رسميًا بمواصفات قوية ومتانة غير مسبوقة في الفئة الاقتصادية

الأداء والمعالج: هنا بنبدأ ندخل في نقطة فيها شوية تحفظ والموبايل بيشتغل بمعالج Snapdragon 685، اللي هو معالج اقتصادي نوعًا ما ومناسب لتطبيقات التواصل، التصفح، تصوير، لكن مش هيقدملك تجربة ألعاب تقيلة بأعلى جودة والذاكرة 8 جيجا رام، والنسخة بتتوفر إما بمساحة 256 أو 512 جيجا وللأسف مفيش مكان لكارت ميموري، فاختار المساحة اللي تريحك من الأول.

الكاميرات الكاميرا الخلفية الرئيسية 108 ميجا بكسل، وبتدعم المثبت البصري OIS، والكاميرا التانية 5 ميجا للتصوير الواسع والكاميرا الأمامية 50 ميجا بكسل، ودي تعتبر نقطة قوة في فئة السعر دي والتصوير في الإضاءة الجيدة ممتاز، لكن لا يدعم تصوير 4K، ودي نقطة نقص بسيطة لبعض الناس.

البطارية والشحن: البطارية هنا 5000 مللي أمبير، وهي كافية ليوم كامل استخدام من غير شحن والشحن السريع بقوة 35 واط، والشاحن بييجي جوه العلبة وده معناه إنك مش مضطر تدور على شاحن تاني، والتجربة بشكل عام مرضية.

الواجهة والنظام الهاتف شغال بأحدث إصدار من أندرويد، وهو أندرويد 15، مع واجهة MagicOS 9 من هونر والجهاز بيدعم خدمات جوجل بشكل رسمي، وده بيخليه سهل في التهيئة والاستخدام اليومي.

مواصفات HONOR X8c

المواصفة	التفاصيل
الشرائح	شريحتين Nano Sim
الشبكات	2G / 3G / 4G
الأبعاد والوزن	161.1 × 74.6 × 7.1 ملم – 174 جرام
الخامات	بلاستيك أو جلد
مقاومة المياه والصدمات	IP64 + مقاومة سقوط بشهادة SGS حتى 1.8 متر
الشاشة	AMOLED – 6.7 بوصة – 1080×2412 – 120Hz – 1200 شمعة سطوع
المعالج	Snapdragon 685 بتقنية 6 نانومتر
المعالج الرسومي	Adreno 610
الذاكرة	8 جيجا رام – 256 / 512 جيجا تخزين داخلي
كارت ميموري	لا يدعم
الكاميرا الأمامية	50 ميجا بكسل – فتحة عدسة F/2.1
الكاميرا الخلفية	مزدوجة: 108 ميجا (OIS) + 5 ميجا (Ultra Wide)
الفيديو	FHD 1080p @30fps – HD 720p @30fps
الصوت	لا يدعم ستيريو
الميكروفون الإضافي	موجود لعزل الضوضاء
منفذ السماعة	غير موجود
واي فاي	a/b/g/n/ac + Dual-band + Wi-Fi Direct
بلوتوث	5.1 + A2DP, LE
GPS	يدعم GPS, GLONASS, GALILEO, BDS
مستشعرات	بصمة بزر الباور + فتح بالوجه + جيروسكوب + بوصلة
البطارية	5000 مللي أمبير
الشحن	35 واط – الشاحن داخل العلبة
نظام التشغيل	أندرويد 15 + واجهة MagicOS 9
الألوان	أخضر – أبيض – أسود
دعم خدمات جوجل	مدعوم رسميًا