شركة Nothing تعلن رسميا عن هاتفها الجديد Nothing Phone 3a Pro بمواصفات قوية وتصميم مميز
أعلنت شركة Nothing عن هاتفها الأحدث في سلسلة هواتفها، وهو Nothing Phone 3a Pro، واللي يعتبر نسخة محسنة من Nothing Phone 3a مع بعض المميزات الإضافية زي كاميرا تليفوتو أفضل، تصميم جديد، وشاشة أموليد بمواصفات عالية وفي التقرير ده هنستعرض كل مواصفات الموبايل بشكل تفصيلي ونوضح المميزات والعيوب، وهل يستحق فعلا الشراء أو لا.
تصميم مختلف مع لمسة مبتكرة
الموبايل بيجي بتصميم عصري وفريد مع 3 لمبات ليد في ظهر الموبايل بتستخدم كإشعارات، وفيه زر جديد اسمه Essential Key موجود تحت زر الباور والزر ده بيسمح تاخد Screenshot وتسجل صوت وتخزنه في مكان مخصص اسمه Essential Space، وده بيضيف لمسة عملية للتصميم والجهاز مقاوم للماء والغبار بمعيار IP64، لكن المقاومة دي بسيطة جدا ضد قطرات الماء والغبار.
ربما تشاهد: هونر تعلن عن هاتف HONOR X8c بشاشة اموليد وكاميرا 108 ميجا وبطارية قوية
شاشة أموليد مميزة جدا
شاشة Nothing Phone 3a Pro من نوع AMOLED مسطحة، بمقاس 6.77 بوصة، دقتها FHD+ (1080×2392 بكسل)، وتردد 120 هيرتز والشاشة محمية بطبقة Panda Glass وبتدعم HDR10+، وأقصى سطوع ليها بيوصل لـ 3000 شمعة (الفعلي حوالي 1300 شمعة) والشاشة بتقدم تجربة ممتازة سواء في الألوان أو الوضوح، حتى تحت إضاءة الشمس.
أداء متوسط بمعالج Qualcomm
الجهاز بيشتغل بمعالج Snapdragon 7s Gen 3 بتكنولوجيا 4 نانو، مع معالج رسومي Adreno 710، وهو نفس المعالج الموجود في النسخة العادية (3a),أداء الموبايل كويس للاستخدام اليومي والتطبيقات والألعاب المتوسطة، لكنه مش المعالج الأقوى في الفئة دي، وكان الأفضل لو كانت النسخة البرو بمعالج أقوى من كده.
كاميرات قوية وزوم متطور
الموبايل جاي بكاميرا خلفية ثلاثية:
- الأساسية 50 ميجا مع مثبت بصري (OIS).
- كاميرا تليفوتو 50 ميجا بزوم حتى 60x مع مثبت بصري.
- كاميرا واسعة 8 ميجا.
الكاميرا الأمامية 50 ميجا بكسل وبتدعم تصوير فيديو بجودة 4K وبشكل عام، أداء الكاميرات كويس جدا في الصور والفيديو، والزوم هنا واضح وقوي خصوصا في التقريب والتصوير البعيد.
بطارية جيدة مع شحن سريع
البطارية هنا بسعة 5000 مللي أمبير مع دعم الشحن السريع بقوة 50 واط، البطارية كافية ليوم من الاستخدام المتوسط، والشحن سريع لكن للأسف الشاحن مش بييجي مع الموبايل في العلبة.
نظام التشغيل وواجهة المستخدم
Nothing Phone 3a Pro شغال بأحدث نظام تشغيل من جوجل (أندرويد 15)، مع واجهة Nothing OS 3.1 اللي بتقدم تجربة مستقرة وسلسة مع خواص ذكية كتير.
مواصفات Nothing Phone 3a Pro
| المواصفة | التفاصيل |
|---|---|
| الشرائح والشبكات | شريحتين Nano Sim، دعم شبكات 2G,3G,4G,5G |
| الأبعاد والوزن | 163.5×77.5×8.4 ملم – وزن 211 جرام |
| مقاومة المياه والغبار | IP64 مقاومة قطرات المياه والغبار |
| الشاشة | AMOLED – 6.77 بوصة – FHD+ – 120Hz – HDR10+ |
| سطوع الشاشة | 3000 شمعة (فعلي 1300) |
| المعالج | Snapdragon 7s Gen 3 بتكنولوجيا 4 نانو |
| معالج الرسوميات | Adreno 710 |
| الذاكرة | 128/8 جيجا – 256/8 جيجا – 256/12 جيجا |
| كارت ميموري | لا يدعم |
| الكاميرا الأمامية | 50 ميجا بكسل F/2.2 تصوير 4K |
| الكاميرا الخلفية | 50 ميجا (رئيسية OIS) + 50 ميجا (تليفوتو 60x) + 8 ميجا (واسعة) |
| تصوير الفيديو | 4K@30fps, FHD@30/60/120fps |
| الصوت | سماعات ستيريو |
| ميكروفون إضافي | يدعم عزل الضوضاء |
| NFC | يدعم |
| واي فاي | Wi-Fi 6 مع Dual-band, Wi-Fi Direct |
| بلوتوث | إصدار 5.4 |
| GPS | يدعم GPS وGLONASS وBDS وGALILEO وQZSS |
| المستشعرات | بصمة تحت الشاشة، تسارع، قرب، بوصلة، جيروسكوب |
| منفذ الشحن | USB Type-C مع OTG |
| البطارية | 5000 مللي أمبير |
| سرعة الشحن | 50 واط – الشاحن غير مرفق بالعلبة |
| نظام التشغيل | أندرويد 15 مع Nothing OS 3.1 |
| الألوان المتوفرة | أسود – رمادي |
عيوب Nothing Phone 3a Pro
- المعالج مش الأقوى في الفئة السعرية.
- مفيش دعم لكارت ميموري.
- مفيش منفذ سماعة 3.5 ملم.
- مقاومة مياه بسيطة (IP64).
- الشاحن غير مرفق مع الموبايل.
مميزات Nothing Phone 3a Pro
- تصميم مبتكر مع ليدات إشعارات خلفية.
- شاشة أموليد ممتازة وسطوع عالي.
- كاميرات مميزة وزوم قوي حتى 60X.
- تصوير فيديو بجودة 4K من الكاميرات الأمامية والخلفية.
- أحدث نظام تشغيل (أندرويد 15) وواجهة مستقرة.
- زر إضافي (Essential Key) لوظائف ذكية.
محتويات علبة Nothing Phone 3a Pro
- الهاتف.
- كابل USB Type C.
- دبوس معدني.
- كتيبات الاستخدام.
- ضمان الهاتف.
سعر Nothing Phone 3a Pro
- عالميا: 460 دولار (نسخة 256/12).
- في مصر: 28800 جنيه (ضمان دولي).
- في السعودية: 1900 ريال.
- في الإمارات: 1750 درهم.
لو بتدور على موبايل بكاميرا قوية وشاشة ممتازة وتصميم فريد مع أحدث نظام تشغيل، فـ Nothing Phone 3a Pro خيار جيد، لكن لو مهتم بالألعاب والأداء الثقيل، هتلاقي خيارات تانية بمعالج أقوى في نفس الفئة السعرية.
