بعد يومين بالظبط.. التوقيت الصيفي 2025 راجع تاني في مصر يوم الجمعة 25 إبريل
كتير من الناس بدأت تدور وتسأل: هو التوقيت الصيفي هيتطبق امتى؟ وفعلاً خلاص مافضلش غير يومين، وبالتحديد يوم الجمعة الجاية الموافق 25 إبريل 2025، وهندخل على النظام الجديد اللي الدولة رجعت تطبقه بعد ما كان متوقف بقاله 7 سنين تقريبا.
القرار ده جه ضمن القانون رقم 34 لسنة 2023، واللي صدّق عليه الرئيس عبد الفتاح السيسي في 16 إبريل 2023، وبيهدف لتنظيم الوقت بشكل يخلي الناس تستفيد أكتر من ضوء النهار، وكمان علشان نخف الأحمال على الكهربا ونوفّر طاقة.
يعني إيه توقيت صيفي أصلا؟
ببساطه كده، التوقيت الصيفي يعني إننا نقدّم الساعة 60 دقيقه، يعني لما تيجي الساعه 12 في منتصف الليل يوم الخميس، هندوس تقديم، وتبقى الساعه 1 صباح الجمعه وده هيستمر لحد الخميس الأخير من شهر أكتوبر.
يعني من الآخر: هنصحى الجمعه والساعة متقدمة ساعة، علشان نستغل النهار أكتر ونقلل من استهلاك الكهربا خصوصًا في ساعات الدوام.
الدوله اختارت يوم الجمعه علشان الناس تكون فاضيه ومفيش شغل، يعني مفيش موظف هيقوم يلاقي نفسه رايح الشغل متأخر ولا متقدم بالغلط فاليوم مناسب للتغيير من غير ما يسبب لخبطه في المصالح ولا المدارس.
مواعيد الصلاة
الناس كمان بتسأل: طب وإيه اخبار مواعيد الصلاة , أكيد بتتغير مع تغيير الساعة، وده جدول بأهم المحافظات:
🕌 القاهرة:
- الفجر: 4:44 ص
- الظهر: 12:53 م
- العصر: 4:29 م
- المغرب: 7:29 م
- العشاء: 8:52 م
🕌 الإسكندرية:
- الفجر: 4:46 ص
- الظهر: 12:58 م
- العصر: 4:36 م
- المغرب: 7:35 م
- العشاء: 9:00 م
🕌 الإسماعيلية:
- الفجر: 4:39 ص
- الظهر: 12:49 م
- العصر: 4:26 م
- المغرب: 7:25 م
- العشاء: 8:49 م
🕌 شرم الشيخ:
- الفجر: 4:38 ص
- الظهر: 12:41 م
- العصر: 4:14 م
- المغرب: 7:14 م
- العشاء: 8:34 م
🕌 أسوان:
- الفجر: 4:52 ص
- الظهر: 12:46 م
- العصر: 4:13 م
- المغرب: 7:14 م
- العشاء: 8:32 م
ليه الدولة رجعت تطبق التوقيت الصيفي؟
فيه كذا سبب خلى الحكومه تفكر ترجع التوقيت الصيفي تاني، منها:
- توفير الكهرباء، لأننا بنستغل ضوء النهار فبنقلل الإضاءة.
- تخفيف الأحمال على الشبكات، وده بيفرق في أوقات الذروة.
- نواكب التوقيت مع دول كتير حوالينا، علشان مايبقاش فيه فرق كبير في التوقيت خصوصًا في المعاملات الاقتصادية.
- نستفيد من النهار في الشغل والحياة بشكل عام.
تأثير التوقيت الصيفي على يومنا
التوقيت الصيفي هيغيرلك حاجات بسيطه:
- هتصحى من النوم تحس إنك مش نايم كفايه شويه (بس هتتعود في يومين).
- هتلاقي الشمس لسه طالعه وانت مروح من الشغل.
- هتحس إن النهار أطول شويه، وده بيدي وقت أكتر للخروج أو حتى تقضية مشاوير.
