امتحانات الثانويه العامه ٢٠٢٥ هتبدأ ١٥ يونيو والطلاب بيستعدو من دلوقتي
الاهالي والطلبه دلوقتي بيدورو على مواعيد امتحانات الثانويه العامه السنه دي، خصوصًا بعد ما الوزاره حددت إن بداية الامتحانات هتكون يوم الأحد ١٥ يونيو ٢٠٢٥ وهتستمر لحد يوم الخميس ١٠ يوليو.
الطلبه فى النظام الجديد هيمتحنو يوم ١٥ فى التربيه الدينيه والوطنيه، وبعدها التلات ١٧ اللغه التانيه، ويوم ٢٢ العربي، والخميس ٢٦ الفيزياء والتاريخ، بعد كدا ٢٩ الانجليزي، والخميس ٣ الكيمياء والجغرافيا، ويوم ٦ يوليو رياضيات بحته، و١٠ يوليو أحياء واحصاء ورياضه تطبيقيه.
أما اللى فـ النظام القديم، بيبدأو بردو ١٥ يونيو بالدين والوطنيه، وبعدها الاقتصاد والاحصاء يوم ١٧، والعربي يوم ٢٢، واللغه التانيه ٢٤، الفيزياء والتاريخ ٢٦، الانجليزي ٢٩، رياضيات بحته تفاضل وتكامل يوم ١ يوليو، الكيمياء والجغرافيا ٣، ويوم ٦ هيكون فى جيولوجيا ونفس واجتماع ورياضه بحته، وبعدها الديناميكا ٨، و١٠ يوليو هيكون آخر امتحان فـ الاحياء والفلسفه والمنطق والاستاتيكا.
طلبة مدارس المتفوقين ليهم جدول تانى خاص بيهم، بيبدأو بردو ١٥ يونيو بالدين والوطنيه، وبعدها ١٩ هيبقى فى استعداد لقبول الجامعات بالعربي، ومقاييس مفاهيم برضو بالعربي، ٢٢ اختبار قبول بالانجليزى، و٢٤ مقاييس كيمياء، وبعدها ٢٦ مقاييس انجليزى.
هيمتحنو كمان ٢٩ استعداد ومقاييس للغه التانيه، و١ يوليو مقاييس فيزياء، و٣ يوليو اختبار قبول فيزياء وكيمياء، و٦ يوليو مقاييس جيولوجيا ورياضه تطبيقيه، و٨ يوليو احياء وجيولوجيا، و١٠ يوليو اخر يوم امتحانات.
الطلبه محتاجين يركزو دلوقتى والاهالى يساندوهم، ربنا يوفق الجميع.
