وزير التربيه والتعليم يزور مدرسه بالشرقيه وبيشيد بالطلاب والمعلمين
فى جوله مفاجأه منه، زار محمد عبد اللطيف، وزير التربيه والتعليم والتعليم الفنى، مدرسه “صلاح الدين الثانويه بنين” اللى تابعه لإداره مشتول السوق التعليميه بمحافظه الشرقيه، واللى فيها حوالى ٦٢٧ طالب، وده ضمن جولته التفقديه اللى بيعملها على مدارس المحافظه.
وأثناء جولته، دخل الوزير فصل من فصول الصف الأول الثانوي، وقعد يتكلم مع الطلاب بطريقه ودوده وسألهم عن طموحاتهم فى المستقبل، وهل فاهمين المواد اللى بياخدوها ولا لأ، وكان واضح عليه الأهتمام وهو بيكلمهم.
الوزير كمان راجع كشاكيل الطلبه وشاف الواجبات، وطلب منهم يركزوا أكتر على علوم الكمبيوتر وقالهم إن المجال ده هو اللى جاي وهو اللى عليه الطلب فى المستقبل.
وفى نهايه الزياره، قال الوزير إنه مبسوط من مستوي المدرسه ومن التزام الطلبه والمعلمين، وقال إن ده دليل على إن فيه شغل بيتعمل بضمير جوه المدارس، وإن المدرسين والإداره ليهم دور كبير فى تطوير التعليم.
الجوله دى كانت مهمه علشان الوزير يشوف بعينه الواقع فى المدارس، ويعرف إيه اللى محتاج يتظبط أو يتطور أكتر. الطلبه كانوا مبسوطين من الزياره، والوزير ساب إنطباع حلو عن مدى إهتمامه الفعلى بالتعليم ومستقبلهم.
والناس كلها بتأمل إن الزيارات دى تتكرر وتكون سبب فى تطوير حقيقى فى التعليم.
