الأرصاد: إنخفاض درجات الحراره من بكره والخميس تقلبات جويه مفاجأه
كشفت هيئه الأرصاد الجويه العامه إن الطقس داخل على تغير واضح، وده حيبدأ من بكره الخميس 24 إبريل 2025، لما تنخفض درجات الحراره بشكل ملحوظ على أغلب المناطق فى مصر، والإنخفاض ده حيوصل من 4 لـ 7 درجات مره واحده!
وقالت الهيئه إن درجات الحراره فى القاهره والوجه البحرى هتبقى ما بين 28 لـ 29 درجه، والسواحل الشماليه ما بين 23 لـ 24 درجه، وجنوب مصر هتوصل درجاته من 31 لـ 38 درجه بعد ما كانت مولعه نار.
النهارده الإربعاء 23 إبريل، الطقس كان بيشهد إنخفاض تدريجى فى الحراره خصوصاً على شمال مصر لحد القاهره، الجو كان حار بالنهار على القاهره والوجه البحرى والسواحل الشرقيه، لكن السواحل الغربيه كان معتدل نوعا ما، إنما بقى جنوب سينا وجنوب الصعيد كانوا بيغلو نار، والليل كان معتدل عموماً.
فيه كمان نشاط للرياح فى أماكن كتير ودى بتثير الأتربه والرمال فى مناطق من سينا وسلاسل البحر الأحمر، فـ اللى عنده حساسيه ياخد باله.
درجات الحراره المتوقعه النهارده كانت عاليه: القاهره وصلت 35، وأسوان كانت 44! الإسكندريه 24، ومطروح 23، وسوهاج 42، وقنا 43.
يعنى الجو مولع النهارده لكن من بكره إن شاء الله نبتدى نحس بفرق وخصوصاً الناس اللى تعبت من الحر يلا نجهز الهدوم الخفيفه برضو، الجو لسه رايح جاي.
