فرص شغل بالسعوديه برواتب مجزيه ومجالات كتير.. التقديم بدأ خلاص
أعلنت وزارة العمل إن فى فرص شغل مميزه جدًا اتفتحت للكوادر المصريه فى واحده من الشركات الكبيره اللى شغاله فى المملكه العربيه السعوديه، وده ضمن خطه الدوله لتوفير شغل كويس لشبابها بره مصر، والرواتب كمان مغريه بتوصل لـ 4000 ريال سعودى، يعنى حوالى 50 ألف جنيه مصرى.
الوظايف المتاحه سبعه، وموزعين ما بين مهندسين ميكانيكا وكهربا، وكمان فنيين متخصصين فى انظمه الحريق والصيانه الكهربائيه والميكانيكيه وكمان السباكه، وكل وظيفه ليها شروط معينه وسن محدد.
مثلاً مطلوب مهندس ميكانيكا وكهربا، خبرته من ٥ لـ ٨ سنين، ويكون معاه بكالوريوس ويعرف انجليزى كويس، ومعاه رخصه سواقه، وسنه ميعديش ٣٠ سنه.
كمان فى طلب على فنيين كهرباء وميكانيكا، والشرط الأساسى إنهم يكونوا خريجين دبلوم صناعى، وسنهم ميعديش ٢٦ سنه، ويكون عندهم خبره فى الإنذار والكاميرات أو الإطفاء والصيانه.
فى كمان وظايف لفنيين إلكترونيات وسباكين بنفس المؤهلات تقريبا.
هبه أحمد، مديره إداره التشغيل فى الوزاره، قالت إن التقديم ابتدى من يوم التلات ٢٢ مايو، وهيستمر لحد يوم السبت ٢٦ مايو، ولازم الناس تبعت السى فى بتاعهم على الإيميل:
[email protected]
الفرص دى فعلاً مهمه وممكن تفتح باب جديد للناس اللى نفسها تشتغل بره، فلازم اللى شايف نفسه مؤهل ميضيعش الفرصه دى.
