طريقة قراءة رسائل واتساب بدون ظهور علامة الصح الأزرق 2025 – خطوات سهلة وبسيطة
في زمن السرعة والتواصل اللحظي، بقى تطبيق واتساب من أهم وسائل المحادثة اليومية سواء في الشغل أو العلاقات الاجتماعية ولكن ساعات بيكون عندك رسالة محتاج تقراها من غير ما يظهر للطرف التاني إنك شوفتها، علشان تريح دماغك شوية، أو لسه مش جاهز ترد.
علشان كده جمعنالك في المقال ده أفضل الطرق اللي تقدر تستخدمها علشان تقرا رسائل الواتس من غير ما تظهر علامة الصح الأزرق، بخطوات سهله تقدر تطبقها على طول.
الطريقة السحرية الأولى: استخدام وضع الطيران
الخطوات:
- لما توصلك الرساله ما تفتحهاش على طول
- افتح إعدادات الموبايل، وشغّل وضع الطيران (Airplane Mode)
- افتح تطبيق واتساب واقرا الرساله وانت في وضع الطيران
- بعد ما تخلص، اقفل التطبيق نهائيًا من الخلفية
- بعدها، رجّع وضع الطيران زي ما كان (افتح النت والمكالمات تاني)
كده الرساله اتقريت من غير ما الطرف التاني يعرف.
الطريقة التانية: قراءة الرسائل من الإشعارات
- لما توصلك رساله، اسحب شريط الإشعارات من فوق
- اقرا نص الرساله كامل من غير ما تدخل على التطبيق
دي أسرع طريقه لو الرساله مش طويله.
الطريقة التالته: إيقاف مؤشرات القراءة من الإعدادات
لو عايز تحل المشكله من جذورها وتمنع ظهور الصح الأزرق دايمًا، اتبع الخطوات دي:
- افتح تطبيق واتساب
- روح على الإعدادات (Settings)
- اختار الخصوصية (Privacy)
- اقفل خيار “مؤشرات القراءة” (Read Receipts)
تنبيه: لو فعلت الخطوه دي، انت كمان مش هتعرف الطرف التاني قرا رسالتك ولا لأ.
طرق إضافيه ممكن تستخدمها:
- استخدام واتساب ويب: افتحه على الكمبيوتر وقرا الرساله من غير ما تضغط عليها
- استخدام تطبيقات طرف ثالث: في تطبيقات بتعرض رسائل الواتس من غير ما تفتحها زي “Unseen” أو “Notisave” (لكن بحذر علشان الخصوصية)
لو مهتم تعرف أكتر عن أسرار واتساب، تحديثات الخصوصيه، وحيل تكنولوجيا بسيطه تسهّل عليك حياتك الرقميه، تابعنا على بوابة سعودي أون , هننقل ليك كل جديد من غير تعقيد، بخطوات واضحه وسريعه.
