برشلونه بيجري يثبت يامال ولقوانين الجديده خلتها اسهل شويه
لامين يامال، الولد الداهيه اللي عنده بس 17 سنه، خلاص قرب يوقع اول عقد احترافي مع برشلونه، بعد ما رابطة الدوري الاسباني طلعت شوية قوانين ماليه جديده مخلياه الحكاية ماشيه اسهل للنادي الكتالوني.
القوانين دي فيها حاجه مهمه قوي، وهي ان النادي يقدر يجدد عقد اللاعب حتى لو كان فوق الحد المسموح بيه للرواتب، بشرط إن اللاعب يكون بقاله 3 سنين متسجل في نفس النادي، ودا ينطبق على يامال من غير نقاش.
برشلونه شايف إن مستقبل الفريق متوقف على الجيل الجديد، وده باين من لما جددو مع أراوخو وبيدري وجافي وغيرهم، ودلوقتي الدور جاي على يامال اللي عامل شغل عالي الموسم ده ومكسر الدنيا.
الجميل كمان إن القوانين سمحت للأنديه إنها تسجل 3 لاعبين مؤقتين سنه كامله، وكمان بدل ما الانفاق يكون 1 لـ 4 بقى ممكن النادي يصرف لحد 60٪ من دخله، وده بيرتفع 70٪ لو بيتعاقد مع لاعب امتياز.
ورغم إن النادي لو صرف زياده لازم يعوض الفارق في نفس السنه الماليه، إلا إنه ممكن يرحل العجز للسنه اللي بعدها لو مقدرش يسده، ودي ميزه جديده ممكن تريح برشلونه في موضوع تجديد العقد.
يامال ممكن يبقى من اعلى اللاعبين اجرا في الفريق، بس الاداره شايفه انه يستاهل، والمشجعين متحمسين يشوفوه مكمل بقميص البلوغرانا سنين طويله.
