قرار جديد يغيّر طريقة جلب المدربين فدوري روشن الموسم الجاي
الإعلامي عبدالله الحنيان طلع بتصريح ناري قلب السوشيال ميديا راس على عقب، وقال إن فيه تغييرات كبيره قادمه فطريقة اختيار المدربين فدوري روشن السعودي، وخصوصاً عند الانديه الكبيره.
وقال الحنيان إن من الموسم الجاي، الأنديه ماعاد عندها الكلمه النهائيه لما تفكر تغير مدربها، سواءً بسبب سوء نتائج أو مشاكل داخليه، لأن لجنة الاستقطاب هي اللي بتقرر من يجلس ومن يمشي.
والشي ذا حسب كلامه جاي من فوق، من إدارة الدوري وصندوق الاستثمارات العامه اللي يملك الهلال والنصر والاتحاد والأهلي، واللي هدفهم يحطون نظام جديد يحافظ على استقرار الأنديه فنياً ومالياً، ويمنع التخبط اللي كان يصير أول.
يعني من الآخر، حتى لو جمهور فريق كبير طالب بإقالة مدرب، القرار ما راح يكون سريع، لازم لجنة الاستقطاب تشوف وتدرس وتقرر وش الأصلح.
وفيه ناس شافت إن الخطوه ذي إيجابيه وراح تضبط الأمور وتخلي الإدارات ما تتسرع، وناس ثانيه شايفه إن النادي أدرى بمشاكله ومدربه ولازم هو اللي يقرر، مو لجنه جالسه فوق.
الخبر ذا أكيد راح يغير كثير من طريقة التعامل مع المدربين فالدوري، ويمكن يفتح باب جديد لمستقبل تدريبي مختلف فالسعوديه، وبيخلي الأنديه تشتغل بحذر أكثر وتفكر ألف مره قبل ما تطلب تغيير مدربها.
