الأهلي يعلن عدد بطولاته الرسميه وردود الفعل تشتعل في الوسط الرياضي
أعلن النادي الأهلي السعودي عبر حسابه في منصة “X” عن إن عدد بطولاته الرسميه والموثقه تاريخياً وصل لـ 51 بطوله، حسب ماجاء في بيان النادي، واللي سبّب ضجه كبيره ما بين جماهير الأنديه والمحللين فالساحه الرياضيه.
الإعلان هذا جا قبل إعلان الاتحاد السعودي لكرة القدم بشكل رسمي عن التوثيق الكامل لكل الأنديه، وهالشي خلّى البعض يسأل: هل الأهلي استعجل؟ ولا من حقه يعلن دام عنده الوثائق؟
وبحسب مصادر مقربه من ملف توثيق البطولات، ممثل الأهلي تواصل مع القائمين على المشروع واستفسر إذا يقدر ينشر الأرقام أو لازم ينتظر الاعلان الرسمي من الاتحاد، وكان الرد إن ماعندهم مانع طالما الالتزام بالحقائق موجود ومافيه اساءه لأي نادي ثاني.
عبدالإله النجيمي، عضو فريق توثيق التاريخ الكروي، وضّح ان كل نادي استلم ملفه له الحق يعلن عنه في الوقت اللي يشوفه مناسب، بشرط الابتعاد عن المقارنات والجدل، وانه يكون مطابق لما هو موثق بالورق.
الجدل لازال مستمر، جماهير أندية كثيره شافوا إن الأهلي استعجل بالاعلان، والبعض قالوا من حقه يفتخر ببطولاته.
لكن المؤكد إن هالموضوع فتح باب كبير للنقاش، خصوصاً إن توثيق البطولات يعتبر حساس عند كل جمهور.
السؤال الآن: هل باقي الأنديه راح تمشي على خطى الأهلي؟ ولا بينتظرون الإعلان الرسمي من الجهات المعنيه؟
