رحيل الإعلامي صبحى عطرى يصدم نجوم الفن والسوشيال ميديا النهارده فجراً
النهارده الصبح صحينا على خبر صادم وفاة الإعلامى السورى صبحى عطرى، اللى غادر دنيتنا فجأة وساب وراه حالة حزن كبيرة وسط النجوم والجمهور كندة علوش كتبت على حسابها لسه مش مصدقة هاعتبرك مسافر كعادتك، ابعتلى بكرة ونضحك زى كل مرة، الله يرحمك يا صبحي هند صبرى نعته بكلمات موجوعة ببالغ الحزن نودّع الصديق والإعلامى صبحى عطرى درة برضه علّقت خبر حزين وصادم ربنا يرحمك ويجعل مثواك الجنة وما تأخرتش كارول سماحة وقالت كنت دايمًا طاقة إيجابية، خسارة كبيرة للإعلام والفن.
صبحي، مواليد 6 يوليو 1977 بحلب، اتخرج من كلية الأعمال بجامعة حلب وحصل على دورات إعلامية بدأ مشواره سنة 2007 فى روتانا خليجية وقدّم برامج زى يا هلا و آخر الأخبار أونلاين وبعدها لمع فى LBC وDMTVمن 2014 لحد 2023 كان نجم شاشة MBC قدّم تريندنج وكان مراسل ET بالعربى وغطّى أهم الفعاليات الفنية، فكوّن صداقات مع أغلب النجوم.
الخبر وقع كالصاعقة لأن صبحي كان صاحب شعبية كبيرة وروح مرحة دايمًا قدام الكاميرا وخلفها جمهوره وزملاؤه بيطالبوا بالدعاء وقراءة الفاتحة على روحه الطاهرة الرحمة لروحه والصبر لأهله وأحبابه.
