بتال القوس يفتح النار على توثيق البطولات ويؤكد: ما تغير شي
علّق الإعلامي الرياضي بتال القوس بطريقه حاده على نتائج لجنة توثيق البطولات، واللي انتهت أعمالها مؤخرًا بدون إعلان رسمي وواضح للنتائج.
القوس كتب عبر حسابه الشخصي في منصة “إكس” وقال: “كل ناد أعلن اللي يبي وعلى كيفه وكل ناد فسر الموضوع على مزاجه والاتحاد السعودي عطى عناوين بس، ما فيه تفاصيل دقيقة طيب وش اللي تغير؟ الجدل باقي مستمر”.
اجتماع الجمعية العمومية لمشروع توثيق تاريخ الكره السعودية كشف إن عدد البطولات اللي تم رصدها وصل لـ3910 بطولة، وعدد الأندية اللي حصدت ألقاب 155 نادي، لكن الغريب إن الشباب كان النادي الوحيد اللي رفض المصادقة على النتائج.
من البطولات هذي، 1282 كانت للفريق الأول، و2628 للفئات العمرية.
47 نادي وافقوا على النتائج، وكل نادي طلع يعلن بطولاته بطريقته، ما خلق فوضى وتفسيرات كثيره، والجماهير رجعت تتجادل من جديد.
اللي حاصل حالياً، حسب وصف كثير من المتابعين، هو إن مشروع التوثيق ما أنهى الجدل، بالعكس، زاد النار حطب.
