ايدرسون ممكن يترك مانشستر سيتي والدوري السعودي وجهته الجايه؟
طلع تقرير صحفي جديد يقول إن الحارس البرازيلي إيدرسون مورايش ممكن يودّع مانشستر سيتي الصيف الجاي، والوجهه الأقرب له هي دوري روشن السعودي.
الإعلامي فلوريان بلاتنبيرغ نشر فـ حسابه بـ منصة “إكس” إن فيه اهتمام كبير من أندية سعوديه بضم الحارس، وإيدرسون ماعنده مانع يجرّب تجربه جديده برا أوروبا، خصوصًا بعد سنوات مليانه بطولات وألقاب مع السيتي من يوم ما جاءهم فـ 2017.
العقد بينه وبين مانشستر سيتي لسه مستمر لين 2026، بس إدارة النادي بدأت تدور على بديل، وأقرب اسم هو البرتغالي ديوغو كوستا، حارس بورتو اللي عمره 25 سنه ويعتبر من أفضل الحراس حالياً.
التفاوض بين سيتي وكوستا شغال، ولو تمت الصفقه بيكون انتقال إيدرسون بداية لنهاية فتره ذهبيه، وبداية جيل جديد.
إيدرسون كان عنصر أساسي في نجاحات الفريق، ورحيله بيترك فراغ كبير، بس بالنسبه له ممكن تكون فرصه ممتازه ياخذ فيها عقد كبير وتجربه مختلفه.
