محرز يواصل التوهج مع الأهلي ويثبت إنه نجم الفريق الأول
رياض محرز، النجم الجزائري، مكمل في تقديم العروض القويه مع الأهلي، وأثبت إنه واحد من أهم اللاعبين فالفريق الموسم ده، واللي مش ممكن يستغني عنه المدرب الألماني ماتياس يايسله.
في آخر مباراتين فـ دوري روشن، محرز شارك فـ 6 أهداف من أصل 8 سجلهم الفريق، وده غير إنه كان سبب فـ الهدفين التانيين، واحد عن طريق ركلة جزاء حصل عليها، والتاني من كوره ركنيه نفذها بدقه عاليه.
من وقت ما انضم محرز للأهلي صيف 2023، وهو بيثبت نفسه، لعب 72 مباراه وسجل 27 هدف، وكمان صنع 32، وده بيخليه أكتر لاعب ساهم بأهداف فـ الفريق من سنين.
عقد محرز مستمر لحد صيف 2027، وقيمته السوقيه حاليًا حوالي 9 مليون يورو حسب موقع ترانسفير ماركت.
الجمهور الأهلاوي فرحان بالأداء ده، ومستنيين من محرز المزيد، خصوصًا إنه بقى ركيزه أساسيه ومفتاح للانتصارات، وكل مباراه بيأكد إنه صفقه ناجحه بكل المقاييس.
