أنشيلوتي يستقر ع تشكيل النهائي وكورتوا وفالفيردي مفاجآت الكلاسيكو
حسم المدرب الإيطالي كارلو أنشيلوتي، المدير الفني لفريق ريال مدريد، أغلب ملامح التشكيله اللي هيدخل بيها نهائي كأس ملك إسبانيا قدام برشلونة، يوم السبت الجاي.
ريال مدريد بيلعب النهارده قدام خيتافي في الدوري الإسباني، بس كل التركيز حالياً منصب على لقاء الكلاسيكو المرتقب، خصوصاً بعد خروج الفريق من دوري الأبطال على إيد أرسنال الإنجليزي بخساره تقيله 5-1 بمجموع المباراتين.
وحسب صحيفة “آس”، قرر أنشيلوتي الدفع بكورتوا كحارس أساسي قدام برشلونة، رغم إن العاده إن لونين هو اللي بيلعب في بطولة الكأس، لكن واضح إن المدرب بيدوّر على الخبره والثقه فالمواجهه المصيريه.
كمان كامافينجا مرشح كبير يلعب كظهير أيسر لو ميندي لسه مش جاهز بدنيًا، وكمان فيه احتمال كبير يشارك فالفيردي كظهير أيمن عشان يقفل الجبهه اللي دايمًا بيجي منها خطورة برشلونه.
النهائي جاي في وقت حرج، والكل في مدريد عايز البطوله دي عشان الموسم ميطلعش فاضي بعد صدمة دوري الأبطال.
