هزة 6 2 ريختر ترج إسطنبول 51 ارتدادية ورعب بالشوارع وناس بتنزل جري
إسطنبول اتفزعت النهارده لما زلزال قوته 6 2 ضرب سيليفري على بحر مرمرة الساعة 12 49 ظهرًا، واستمر 13 ثانيه بس كانت كفايه تهز العمارات وتخلى الناس تنزل للشوارع تصرخ وزير الداخليه التركي علي يرلي كايا قال إن الهزة على عمق 7 كم، ومركز الطوارئ استقبل أكتر من 6 آلاف اتصال أغلبها استفسارات وهل في خطر تاني.
لحد دلوقتي اتسجلت 51 هزة ارتداديه، أقواهم 5 9 ريختر، وده مخلّي السكان متوترين مقاطع فيديو انتشرت على السوشيال بينت لحظات رعب مباني بتهتز، ناس بتجري في الشارع وسيارات بتقف فجأه وسط فوضى إدارة الكوارث (أفاد) أكدت إن العمق حوالى 6 9 كم ومافيش حصر نهائي للأضرار، بس في إخلاء سريع لعمارات اتشقّقت جدرانها.
مركز أبحاث جيولوجي ألماني (GFZ) رصد الزلزال واعلن إن سكان المحافظات حوالين إسطنبول حسّوا بالهزة، خاصة غرب المدينة على بعد 80 كم من المركز لحد اللحظه ما فيش تقارير رسمية عن قتلى أو مصابين، لكن السلطات ناشدت الناس تبتعد عن المباني المتضررة وتلتزم تعليمات الدفاع المدني تحسّباً لارتدادات إضافية.
فرق الإنقاذ والطوارئ بتفحص البنية التحتية، والمهندسين بيكشفوا على الجسور والأنفاق السلطات نبهت المواطنين ما يستخدموش المصاعد وتتأكّد من سلامة الغاز والكهربا في بيوتهم الوضع متابع لحظه بلحظه، والخوف الأكبر من هزات أقوى ممكن تحصل مع سلسلة الارتدادات الجارية.
