الوضع انقلب فجأه في نادي جيرونا الإسباني، بعد ما كان الحصان الأسود فـ الموسم اللي فات، ونافس ريال مدريد وبرشلونة على لقب الليغا، دلوقتي الفريق بيصارع الهبوط وبقى في موقف لا يحسد عليه.
الموسم اللي فات جيرونا أنهى البطولة ف المركز التالت وتأهل لدوري الأبطال لأول مره ف تاريخه، وكان الكل بيشيد بالمستوى العالي اللي قدموه.
بس الموسم الحالي حصلت انتكاسه كبيره، والفريق دلوقتي ف المركز الـ16 وبرصيد 31 نقطه، بفارق 3 نقط بس عن الهبوط، يعني أي تعثر ممكن يدخله ف دوامه خطيره.
من الأسباب اللي خلت الفريق يتراجع، هو رحيل المهاجم الأوكراني دوفبيك لروما الإيطالي.
الراجل ده كان ماكينة أهداف، سجل 24 هدف وعمل 8 أسيست، وكسب الحذاء الذهبي ف الموسم اللي فات، وكان تأثيره واضح جدًا ع نتايج الفريق.
الغياب ده خلى خط الهجوم ضعيف وقلل الفاعليه قدام المرمي، والدفاع كمان بقى يعاني من ضغط مستمر بسبب فقدان الكوره بسرعه.
الأسابيع الجايه حاسمه، وجماهير جيرونا متخوفه من إن حلمهم الجميل يتحول لنهايه حزينه!
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
