يويفا ناوي يعمل تغييرات في دوري الأبطال بداية الموسم الجاي
ذكرت صحيفة “بيلد” الألمانيه إن لجنة المسابقات في الاتحاد الأوروبي لكرة القدم (يويفا) بتدرس إدخال تلات تغييرات مهمه على نظام دوري أبطال أوروبا بداية من الموسم اللي جاي، وده لو لاقت التعديلات دي موافقه من اللجنة التنفيذيه.
أول تعديل بيفكروا فيه هو إنه لو المباراه بين فريقين انتهت بالتعادل في مجموع الذهاب والإياب، ما يبقاش فيه وقت إضافي، لكن يتجهوا على طول لركلات الترجيح علطول، وده لتقليل الإرهاق على اللعيبه وكمان لتقليل مدة المباريات.
التغيير التاني بيتعلق بالفرق اللي بتتأهل مباشره لثمن النهائي، بحيث يكون ليهم ميزة يلعبوا مباراة الإياب على ملعبهم في الأدوار الإقصائية، وده طبعًا هيساعدهم لو كان فيه تعادل أو محتاجين يضغطوا في آخر الدقايق.
أما التعديل التالت، فهو منع أي مواجهات بين أنديه من نفس البلد لحد الدور ربع النهائي، يعني مثلًا ما نشوفش ريال مدريد ضد برشلونة أو سيتي ضد أرسنال غير لما نوصل للمرحله دي.
القرارات دي لسه تحت الدراسة، وممكن نشوفها تطبق لو لاقت قبول رسمي خلال الاجتماعات الجايه.
