ريال مايوركا حاط عينه على فاسكيز لو خرج من ريال مدريد
كشفت تقارير صحفيه إن نادي ريال مايوركا بدأ يتحرك بخطوات جديه عشان يضم لوكاس فاسكيز، لاعب ريال مدريد، في حالة قرر اللاعب يسيب الفريق الملكي في الصيف الجاي.
الصحفي آرون دومينغيز قال إن مايوركا شايف إن فاسكيز ممكن يكون إضافة قويه للفريق، خصوصًا مع خبرته الطويله في الليغا ومشاركاته الكتيره مع الريال في البطولات المحليه والأوروبيه.
فاسكيز، اللي بينتهي عقده مع ريال مدريد بنهاية الموسم ده، لسه موقفه مش واضح، والإشارات اللي طالع من النادي ما بتأكدش إنه هيجدد، وده خلى كذا نادي في الدوري الاسباني يترقب قراره وبيجهز نفسه لوضع عروض رسميه في حال ما تمش التجديد.
اللعب في فريق زي ريال مايوركا ممكن يكون فرصة لفاسكيز يثبت نفسه أكتر كلاعب أساسي وياخد دقائق لعب أكتر، خصوصًا لو حاسس إنه دوره بدأ يقل في تشكيل أنشيلوتي.
الموضوع لسه في أوله، لكن لو ما تمش تجديد عقده، متوقع نسمع عن عروض رسميه كتير للاعب خلال الأسابيع الجايه.
