جول كوندي فجّرها مع برشلونة وسر تألقه طريقه نوم غريبه
من بداية الموسم وكل جماهير برشلونة والعالم الكروي ملاحظين التغير الكبير في مستوى المدافع الفرنسي جول كوندي، اللي بقى واحد من أهم ركائز خط الدفاع في تشكيلة المدرب هانسي فليك، خصوصاً في المواجهات القويه.
الملفت في الموضوع إن تألق كوندي مش جاي من فراغ الموسم اللي فات اتعرض لانتقادات كثيره بسبب مستواه المتذبذب، لكن الموسم ده دخل بشكل مختلف تماماً، بدأ يركز في التمارين، وجاب مدرب أحمال خاص يشتغل معاه بشكل فردي.
بس الأغرب إن سر تألقه الأكبر مش رياضي صرف بل نومه! أيوه زي ما سمعت، كوندي اعتمد على نظام “النوم المتقطع” اللي كان يستخدمه كريستيانو رونالدو قبل كده. النوم ده بيكون على 5 لـ 6 مرات في اليوم، وكل مره ما تتعداش 90 دقيقه.
النجم الإنجليزي ديلي آلي سبق واتكلم عن تأثير النوم على أدائه، وقال إنه كان بياخد منومات ووصل للإدمان، بس كوندي استغل النظام ده بشكل علمي يخدمه بدنيًا.
كوندي لحد دلوقتي لعب 51 ماتش، سجل 3 أهداف وصنع 8، وأرقامه بتقول كل حاجه عن موسم ولا أروع ليه.
