مباراة ناريه بعد شويه ارسنال يستضيف كريستال بالاس على الامارات
دقايق وبتنطلق قمه من العيار الثقيل في الدوري الإنجليزي الممتاز، لما يستضيف أرسنال فريق كريستال بالاس على ملعب الإمارات ضمن مباريات الجوله 34.
ارسنال داخل اللقاء وهو عينه على الثلاث نقاط علشان يفضل في سباق الصداره مع ليفربول ومان سيتي، خصوصاً إن الفارق بينه وبين الريدز مش كبير، وأي تعثر ممكن يخلّي حلم الدوري يطير من ايده.
المدرب ميكيل أرتيتا طالب لاعبيه بإنهم يركزو من أول دقيقه، خصوصاً إن بالاس مش فريق سهل، دايماً بيعمل مفاجآت قدام الكبار، وبيلعب من غير ضغوط، وده بيخليه خصم خطير.
الجمهور بدأ يتملي المدرجات، والحماس مولّع في المدرج الشمالي، الكل متحمس يشوف إذا كان أرسنال هيعرف يفرض سيطرته من البدايه ولا لأ.
بالنسبه للتشكيله، لسه ما أُعلنش عنها بشكل رسمي، بس التوقعات بتقول إن ساكا و أوديجارد هيكونو حاضرين أساسيين، بجانب المهاجم خيسوس.
كل الأنظار رايحه على ملعب الإمارات، والمباراه شكلها هتكون قويه وساخنه من أول صافره.
