خورخي مينديز يوصل برشلونه ويقعد مع لامين جمال ساعتين ونص
وصل وكيل الاعمال الشهير خورخي مينديز لمدينة برشلونه قبل ساعات قليله، وعلى طول توجه للاجتماع مع موكله و نجم البارسا الصغير لامين جمال.
اللقاء حسب ما ذكره برنامج “التشيرنغيتو”، دام تقريباً ساعتين ونص، ودا مداه الكبير بيأكد ان في مواضيع مهمه كانت على الطاوله بين الطرفين.
لحد اللحظه، ماحدش كشف اي تفاصيل رسميه عن الي اتناقش فيه، بس الكل متأكد ان الموضوع الاول والاهم في الاجتماع كان تجديد عقد لامين مع برشلونة، خصوصاً وإنه لسه 17 سنه، والنادي عايز يضمن استمراره فتره طويله.
لامين جمال مقدم موسم خرافي، ولفت انتباه كبار اوروبا، وده اللي خلّى البارسا يتحرك بسرعه علشان يحافظ عليه ويأمن مستقبله بالفريق.
الجمهور متحمس يعرف إذا كان في اخبار كويسه بعد الاجتماع، خصوصاً إن كل العيون على النجم الواعد، والناس شايفين فيه مستقبل كبير للبارسا.
باقي الايام هتوضح اذا كان مينديز هيقنع الاداره بشروطه، ولا المفاوضات هتطول أكتر من كده.
