بوستيكوجلو في ورطه وتوتنهام قد يرجع لبوتشتينيو من جديد
توتنهام مش عايش أفضل أيامه الموسم ده، ومع توالي النتائج السلبيه، مستقبل المدرب أنجي بوستيكوجلو بقى على المحك، والكل بيقول إن استمراره مع الفريق بقى شبه مستحيل.
موقع “فوتبول لندن” كشف إن إدارة السبيرز بقيادة دانيال ليفي قدامها قرار كبير لازم تاخده، وهو مصير بوستيكوجلو.
في نية لإقالته فعلًا، بس في حاجه ممكن تعطل القرار ده، وهي لو الفريق قدر يحقق بطولة الدوري الأوروبي، اللي الجماهير نفسها فيها.
لو توتنهام كسب البطولة، ممكن الإدارة تفكر تديه فرصه تانيه ويكمل الموسم الجاي، لكن لو مفيش بطولات، الإقاله ممكن تحصل في أي لحظه.
من ناحيه تانيه، الأخبار بتقول إن المرشح الأقرب لتدريب الفريق هو ماوريسيو بوتشتينيو، المدرب اللي الجماهير لسه بتحبه، وهو كمان مرحب جدًا بفكرة الرجوع من تاني للنادي اللي صنع فيه اسم كبير.
الأيام الجايه هتكون حاسمه جدًا، والجماهير كلها مستنيه تشوف إيه اللي هيحصل في البيت اللندني.
