تعادل مخيب لارسنال ضد كريستال بالاس وليفربول قرب يحسم الدوري
اتعادل فريق أرسنال قدام كريستال بالاس 2-2 في مباراة كانت ناريه واتلعبت على ملعب الإمارات ضمن منافسات الجوله 34 من الدوري الإنجليزي الممتاز.
المباراه بدأت سريعه، وجاكوب كيويور افتتح التسجيل للجانرز بدري فالدقيقه 3 بعد عرضيه ممتازه من أوديجارد، لكن كريستال بالاس رجع بسرعه فالدقيقه 27 عن طريق إيبيريشي إيز اللي سجل هدف التعادل من صناعه آدم وارتون.
قبل نهايه الشوط الأول، قدر لياندرو تروسار يسجل هدف تاني لارسنال بعد تمريره من تيمبر، بس فرحة أرسنال ما طولتش، لأن جون فيليب ماتيتا سجل هدف التعادل التاني لفريقه فالدقيقه 83.
النتيجه دي خلت رصيد أرسنال يوصل لـ 67 نقطه فالمركز التاني، بينما كريستال بالاس عنده 45 نقطه فالمركز 12.
اللي حصل خدم ليفربول، لأنه دلوقتي محتاج نقطه بس في مباراته ضد توتنهام يوم الأحد الجاي على ملعب “آنفيلد” عشان يحسم الدوري رسميًا.
جمهور أرسنال زعلان من ضياع نقط مهمه، وكانو متأملين يقربو من اللقب، لكن الوضع دلوقتي بقى أصعب.
