عبدالعزيز المريسل يتوقع مستقبل ناري لنادي نيوم فدوري روشن
علق الإعلامي الرياضي المعروف عبدالعزيز المريسل بطريقه مثيره بعد ما تأهل نادي نيوم رسميًا لدوري روشن السعودي لأول مره في تاريخه، وده بعد فوزه الكبير على نادي العربي بثلاثيه نظيفه، واللي خلاه يتصدر جدول دوري يلو بـ69 نقطه.
وكتب المريسل على حسابه بمنصة “إكس”: “مبروك لنادي نيوم الصعود لدوري روشن السعودي، نادي حيكون حضوره مختلف”، وده في إشارة لحجم التغيير اللي ممكن النادي يعمله فالموسم الجاي.
اللي شد الانتباه أكتر، لما كشف المريسل عن مفاجأة قال فيها: “أتوقع إنه راح يشارك في مونديال كأس العالم للأنديه 2029 و ينافس عليه”، وده تصريح جريء وبيوضح طموحات النادي واللي شكله مش جاي عشان يكمّل عدد.
وأشار كمان إن الموسم الجاي حيكون أقوى من الموسم الحالي، وحذر إن مافيش فريق حيضمن الفوز بسهولة، لأن المنافسه حتكون نار.
نيوم دلوقتي عنده نجوم كبار زي سلمان الفرج قائد الهلال سابقًا، وأحمد حجازي اللي كان قائد الاتحاد، وده بيعني إنهم جايين بقوه وعندهم مشروع رياضي مختلف.
