صحافة جنوب أفريقيا القراصنة تحت نار ركلات الترجيح وبيراميدز بلا خساره
جرائد جنوب أفريقيا ركّزت جامد على موقعة بكرا الجمعة بين أورلاندو بايرتس وبيراميدز في ستاد الدفاع الجوي، إياب نصف نهائي دوري الأبطال الماتش الأوّل خلص صفر صفر، يعني لو اتكرر التعادل السلبي هنروح لركلات الترجيح فورًا، وساعتها الضغط هيبقى أشد على القراصنة اللي نفسهم يلمسوا النهائي تاني.
الصحف قالت إن بيراميدز برضه هيبقى متوتر قدّام جماهيره، لكنه فاصل، مفيش حاجة يخسرها بعد ما حقق إنجاز فوق المتوقع وخبط باب النهائي لأول مرّة ف تاريخه القصير أورلاندو عنده أفضلية بسيطة جول واحد يقتله يصعد، بس لازم يستحمل الدفعات الهجومية للسماوي اللي جوه أرضه عادة بيكشر عن أنيابه.
الكتابات كمان نبّهت إن لقاء بيراميدز هو بداية لأسبوعين نار لبايرتس مواجهات دوري محلية قدام سيخوخون يونايتد، كايزر تشيفز وجولدن أروز، وهم بيطاردوا صنداونز ع الصدارة غير كده عندهم نصف نهائي كأس نيدبانك يوم 10 مايو، ولو تأهلوا لنهائي أفريقيا هيضربوا رايح جاي 23 و31 مايو.
خلاصة التقرير يراميدز داخل الماتش بفرصة تاريخية وجمهور داعم، أورلاندو شايل هم الركلات وسلسلة لقاءات صعبة بعديها، مين فيهم هيخرج بالضحكة الأخيرة الإجابة على أرضية الدفاع الجوي بعد صافرة بكرا.
