فاردي يودع ليستر بعد 13 سنه ويرفض الإعتزال القريب دلوقتي
في خبر صدم جماهير ليستر، أعلن النادي النهارده الخميس إن الأسطوره جيمي فاردي هيمشي عن الفريق بنهاية الموسم الحالي، بعد تأكد هبوط الفريق من جديد لدوري الدرجه الأولى، رغم إنه لسه راجع للبريميرليج من موسم بس.
فاردي اللي بقى عمره 38 سنه، قفل صفحه كبيره في تاريخه وتاريخ ليستر، بعد ما قضى معاهم 13 سنه من المجد، بداية من 2012 لما جه من فليتوود تاون بمليون جنيه إسترليني، لحد ما بقى رمز من رموز النادي وأحد أبطاله اللي حققوا معجزة لقب 2016.
اللاعب كتب في بيان: “القرار كان من أصعب الحاجات اللي خدت فيها وقت، النادي ده عيلتي التانيه والمشوار عمره ما كان سهل, بس حاسس إن الوقت جه,”
وأكد إنه لسه عايز يلعب ويكمل تسجيل أهداف، ومش ناوي يعتزل دلوقتي رغم سنه.
فاردي لعب لحد دلوقتي 496 ماتش مع ليستر وسجل 198 هدف، ولو لعب الأربع مباريات اللي فاضله، هيكمل 500 مباراه بقميص “الثعالب”.
الوداع مش سهل، بس الجماهير عمرها ما هتنسى أسطوره زي جيمي.
