فرح ليلى زاهر وهشام جمال عند الهرم وحضور نجوم كتير
ليله من الليالي اللي بتفضل محفوره في الذاكره، احتفلت الفنانه ليلى احمد زاهر بحفل زفافها على النجم والمنتج هشام جمال، في اجواء مبهجه عند هرم سقاره يوم الاربع 23 ابريل، واللي نور المكان كله بالحب والفرحه.
الحفل كان فخم جدا، والديكور خيالي، والهرم نفسه نور مخصوص عشان الفرح، حاجه شبه الافلام.
وكان فيه حضور ضخم من نجوم الفن، زي يسرا، ليلى علوي، احمد فهمي، مي عمر وجوزها محمد سامي، مصطفى شعبان، دنيا عبدالعزيز، روجينا، داليا البحيري، يوسف الشريف، وغيرهم كتيييير من النجوم اللي زينوا المكان.
وحضر كمان نجوم من الرياضه والإعلام زي محمود الخطيب وإسعاد يونس، وكان فيه طاقه حلوه بين الناس كلها.
الفرح اتزين بأغاني محمد حماقي واحمد سعد اللي ولعوا الجو بأغانيهم وحماسهم، والناس كلها كانت بتغني وتفرح معاهم.
ليلى وهشام اختاروا يعملوا فرحهم عند الهرم كرمز للجمال والعراقة، والليله فعلاً كانت مميزه بكل حاجه فيها من حضور وتنظيم وحب باين في عيون الكل.
