الهلال يطمح يواصل مشواره الآسيوي القوي قدام غوانغجو العنيد الليله
تنتظر الجماهير السعوديه مباراه ناريه الليله لما يلتقي الهلال مع غوانغجو الكوري الجنوبي في ربع نهائي دوري أبطال آسيا للنخبه، بعد ما تأهل الزعيم بكل جداره عقب فوزه العريض على باختاكور الأوزبكي في دور الـ16.
الهلال داخل المباراه بثقه كبيره خصوصًا إنه ما خسر إلا مباراه وحده من أصل 10، وكان له حضور هجومي مرعب وسجل 30 هدف، بفضل نجومه اللي قدموا مستويات خرافيه، أبرزها لما دك شباك العين بخماسيه والشرطه بخماسيه ثانيه، ولا ننسى فوزه على بيرسبوليس 4-1.
من ناحيه ثانيه، غوانغجو ما كان طريقه سهل، رغم بدايته المتعثره بخساره ضد فيسيل كوبي الياباني بهدفين، لكنه فاجأ الجميع ورجع بقوه في الإياب، مسجل ثلاثيه نظيفه وضمن التأهل. الفريق الكوري لعب 10 مباريات فاز بـ5 وتعادل مرتين وخسر 3، وسجل 19 هدف واستقبل 14.
الهلال أكيد داخل وعينه على الكأس، خصوصًا إن مستواه ثابت، بينما غوانغجو يملك عناصر خطيره ويعرف يقلب الطاوله بأي لحظه، فالمباراه مو سهله أبدًا. لكن دعم الجمهور الهلالي الليله بيكون فارق كبير ويشعل الأجواء بملعب الإنماء.
كل الأنظار متجهه لهاللقاء، والتوقعات عاليه من الزعيم، خصوصًا إنه صاحب أقوى خط هجوم بالبطوله، وإذا استمر بنفس المستوى، ممكن يروح بعيد بالبطوله.
