ماركا تكشف تشكيله ريال مدريد المحتمله قبل الكلاسيكو الحاسم ضد برشلونه
نشرت صحيفة ماركا الإسبانيه تشكيله ريال مدريد اللي ممكن يبدأ فيها المدرب كارلو انشيلوتي مواجهة الكلاسيكو قدام برشلونه في نهائي كأس ملك إسبانيا، واللي بيتلعب مساء السبت على ملعب لا كارتوخا.
أنشيلوتي، اللي ما قدر يفوز على برشلونه ولا مره هالموسم، يدخل النهائي هذا بطموح عالي عشان يعوض الجماهير ويحقق أول لقب محلي له هالسنه، خصوصًا وإن الخصم ما راح يكون سهل أبداً.
التشكيله اللي توقعتها ماركا كان فيها بعض المفاجأت، أبرزها وجود فالفيردي بخط الدفاع بجانب أسينسيو، روديغر، وميندي، رغم إن فالفيردي معروف كلاعب وسط، بس الظاهر أنشيلوتي يبي يعتمد على سرعته وقدرته البدنيه لمواجهة هجمات برشلونه.
أما بخط الوسط، فالتشكيله ضمت تشواميني، سيبايوس، وبيلينغهام، ثلاثي يدمج بين القوه والمهاره، وراح يكون لهم دور كبير في صناعة اللعب وربط الدفاع بالهجوم.
أما الخط الأمامي، فكان ناري بمعنى الكلمه، بقيادة مبابي، رودريغو وفينيسيوس، وكلهم معروفين بسرعتهم وخطورتهم، وراح يشكلون صداع كبير لدفاع برشلونه.
الجماهير المدريديه متفائله، والمباراه بتكون نار بين الغريمين، وكل الأنظار متجهه لأنشيلوتي وقراراته، هل بيقدر يتفوق على فليك؟ ولا بيكرر نفس سيناريو الخساره؟
