النصر يطارد موهبة اليابان ميتوما وبرايتون ينتظر العرض الرسمي
نادي النصر السعودي حاط عينه هالصيف على نجم برايتون الإنجليزي الجناح الياباني كاورو ميتوما، واللي مقدم مستويات كبيره هالموسم خلت كل الأنظار تتجه له، خصوصًا بعد ما ساهم في تسجيل 12 هدف بين صناعه وتسجيل، وصار من أبرز لاعبين البريميرليغ بهالمركز.
حسب تقارير إعلاميه عالميه، برايتون ماعنده مانع يبيع ميتوما بالصيف، بشرط يوصلهم عرض مغري. واللي أكدت عليه شبكة “اينسايدر فوتبول” اللي قالت إن إدارة النادي الإنجليزي تنتظر أي تحرك رسمي من النصر عشان تبدأ المفاوضات.
النصر من فتره وهو يخطط يدعم تشكيلته بأسماء ثقيله، وميتومـا يعتبر خيار مثالي لهم، خصوصًا مع سرعته العاليه ومهارته اللي تخليه يفتح مساحات لأي هجوم.
الجمهور النصراوي متحمس للفكره، ويشوفون إن ميتوما ممكن يشكل ثنائي ناري مع النجوم الموجودين بالفريق، وعلى رأسهم كريستيانو رونالدو.
الصفقه للحين ما تحركت رسمي، لكن كل المؤشرات تقول إن النصر ناوي يدخل بقوه في الميركاتو الجاي، وميتـوما واحد من الأهداف الرئيسيه.
يبقى نشوف هل إدارة برايتون فعلاً راح توافق لو جاهم عرض كبير؟ وهل ميتوما نفسه راح يوافق يجي للدوري السعودي؟
