مرصد العمري الفلكي يدخل قائمة المراصد العالمية ويحصل على رمز S86
حقق مرصد العمري الفلكي إنجاز فلكي كبير بعد ما تم اعتماده بشكل رسمي من اتحاد الفلك الدولي (IAU)، وانضمامه لقائمة المراصد العالمية بعد حصوله على الرمز S86 من مشروع مركز الكواكب الصغيرة (MPC) اللي يندرج تحت وكالة ناسا.
المرصد صار واحد من المراصد القليلة المعترف فيها بالسعودية، اللي تقدر ترسل قياسات علمية دقيقة تخص الكويكبات القريبة من الأرض والمذنبات الإنجاز ذا يعطي دفعة قوية لمكانة المملكة في المجال الفلكي، ويخليها تشارك فعلياً في تصحيح مدارات الأجرام السماوية ويمكن بعد تكتشف أشياء جديدة مستقبلاً.
عملية الاعتماد ما جت بسهولة، تمت بعد رصد سبعة كويكبات باهتة الإضاءة لأكثر من ليلة، وتمت متابعة حركتها وقياس مداراتها بدقة، وبعدها تم إرسال البيانات لمركز الكواكب الصغيرة اللي دقق عليها واعتمدها.
المرصد الحين يعتبر منصة ممتازة للباحثين وطلاب الجامعات، ويقدرون يستخدمونه في مشاريع تخرجهم أو أبحاث علمية مشتركة مع مراصد عالمية، وحتى ممكن ينشرون شغلهم في مجلات بحثية عالمية معترف فيها.
أحد أهم الكويكبات اللي تم رصده كان يتحرك بشكل واضح خلال ساعتين، واللي دل على دقة عالية في أجهزة الرصد.
