منع دخول المقيمين للعاصمه المقدسه إلا بتصريح من يوم الأربعاء
اعلن الأمن العام في السعوديه إنه خلاص، من يوم الأربع اللي فات، مفيش دخول للعاصمه المقدسه مكه للمقيمين إلا لو معاهم تصريح يعني اللي عايز يدخل لازم يكون معاه تصريح عمل في مكه، أو تكون إقامته صادره من هناك، أو معاه تصريح حج.
اللي هيخالف الكلام ده هيترد من عند نقاط التفتيش اللي على مداخل مكه، ومش هيسمحوله يعدي كمان التصاريح بتاعة اللي بيشتغلو في موسم الحج، بيتم إصدارها إلكترونياً من خلال منصة تصريح.
ومن ناحية تانيه، وزارة الداخليه قالت إن أي حد معاه تأشيره من أي نوع، مش هينفع يدخل أو يفضل في مكه، من يوم الثلاثاء 29 أبريل، إلا لو جاي بتأشيرة حج رسميه.
وبرضه وزارة السياحه شددت على مكاتب السفر والفنادق إنهم يوقفو أي حجز أو تسكين في مكه للناس اللي جايين بتأشيرات غير الحج، من نفس التاريخ ده لحد نهاية الموسم واللي مش هيلتزم، هيتعرض للعقوبات الرسميه.
كل الإجراءات دي عشان يضمنو سلامة الحجاج ويسهلو عليهم أداء المناسك براحة وأمان
