قوانين جديده لموسم الحج ٢٠٢٥ تخص المقيمين وتصاريح الدخول لمكه
قرب موسم الحج، اللي بيعتبر من اهم المناسبات اللي المسلمين في السعوديه والعالم كله بيستنوه كل سنه، ومع اقترابه، الحكومة السعوديه اعلنت عن شوية شروط مهمه للمقيمين داخل المملكه علشان يقدرو يؤدو الحج.
من أهم الحاجات دي، إن الأولويه هتكون للناس اللي ماحجتش قبل كده، وكمان لازم تكون الهويه أو الإقامه ساريه لحد شهر ذي الحجه، ويكون عمر المتقدم فوق ١٥ سنه وبرضه لازم يكون الشخص ماعندوش أمراض مزمنه أو معديه، وكمان يكون واخد تطعيمات الحمى الشوكيه والأنفلونزا الموسميه.
من ناحيه تانيه، وزارة السياحه أكدت على كل فنادق مكه وأماكن الضيافه، إنهم ممنوع يسكّنو أي حد مش معاه تصريح حج أو تصريح شغل أو سكن في مكه، وده هيبدأ من يوم ٢٩ أبريل لحد نهاية الموسم.
القرار ده جاي مع الترتيبات اللي أعلنت عنها وزارة الداخليه، عشان يضمنو سلامة الحجاج وتنظيم الحج بطريقه آمنه ومريحه ممنوع دخول أو بقاء أي حد في مكه لو مش معاه تأشيرة حج فعاله.
كل ده بيتم ضمن تعاون كبير بين الوزارات السعوديه عشان موسم حج 1446 هـ يعدي بسلام
