في ذكرى تحرير سينا السيسي بيأكد إن مفيش تفريط ف الأرض
في كلمته النهارده بمناسبة مرور ٤٣ سنه على تحرير أرض سينا، أكد الرئيس عبد الفتاح السيسي إن الدفاع عن سينا وكل شبر ف أرض مصر ده عهد مش هنرجع فيه، وإنه جزء من عقيدة المصريين وراسخ ف قلوبهم.
الرئيس قال إن سينا كانت دايمًا هدف للطامعين، لكن المصريين قدروا يثبتوا إنها أرض مقدسه وملهاش بديل وفى اليوم ده، بنفتكر تضحيات الجيش المصرى والشرطة، اللى دفعوا تمن غالى علشان نحافظ على أرضنا وقال كمان إن الدبلوماسيه المصريه لعبت دور بطولي ورجعت طابا بالتحكيم الدولى.
السيسي كمان أشاد بوعى الشعب المصرى، وقال إن الشعب أثبت إنه صامد وفاهم التحديات، وإنه حامى للوطن بوعيه وفهمه.
وبالنسبه للعدوان ف غزه، وضح الرئيس موقف مصر الواضح من أول لحظه، بوقف النار والإفراج عن المحتجزين، ورفض تهجير الفلسطينيين، وقال إن مصر هتفضل سدا منيعا قدام أى محاوله لتصفية القضيه الفلسطينيه.
وأكد إن السلام مش هيحصل غير بإقامة دولة فلسطينيه، وقال إن مصر بتسعى للتنمية زى ما حررت سينا، وإن الشهداء هيفضلوا في قلوبنا دايمًا.
