تامر حسني يعتذر عن فرح ليلى زاهر وهشام جمال بسبب شغله
نجم الجيل تامر حسني وجه تهنئه خاصه لليلى أحمد زاهر والفنان هشام جمال بمناسبه جوازهم، وقال إن السبب الوحيد اللي منعه من حضور الفرح كان سفره بره مصر علشان الشغل.
تامر كتب على حسابه فـ إنستجرام: “مليون مبروك حباييي الغاليين ليلى زاهر وهشام جمال، ماحاشنيش عن فرحكم إلا شغلي بره مصر، فعلاً كان نفسي أكون معاكم، ربنا يحفظكم وينور مستقبلكم”.
أما الفنان أحمد زاهر، والد العروسه، فرد عليه وقال: “حبيبي يا تيمو، عارف إنك كنت هتحضر لو مكنش عندك شغل، تتعوض في فرح ملوكه إن شاء الله”.
فرح ليلى وهشام كان أسطوري وحضره نجوم كتير، من أول يسرا وليلى علوي، مرورًا بمحمد فؤاد وأحمد سعد ومحمد حماقي، وغيرهم من الفنانين والنجوم الكبار اللي نوروا القاعه.
والجدير بالذكر إن ليلى زاهر كانت بدأت مشوارها الفني من وهي طفله، وهشام جمال معروف كمطرب ومنتج ومخرج شاطر، وجمع بينهم الفن والحب في قصه بقت حديث السوشيال ميديا.
