ميرنا نور الدين تطلع من كناريا لعالم الميتافيرس في مسلسل جديد
الفنانه ميرنا نور الدين خطفت قلوب الجمهور فـ موسم رمضان 2025 من خلال دورها في مسلسل “فهد البطل” جنب الفنان أحمد العوضي، لما جسدت شخصية “كناريا” بنت من شق التعبان، عايشه وسط مشاكل كتير اجتماعيه وإنسانيه، وكان أدائها مفاجأة بجد.
بعد النجاح ده، ميرنا داخله تجربه مختلفه تمامًا في مسلسل جديد اسمه “أنا أنت.. أنت مش أنا”، واللي بيتكلم عن السوشيال ميديا والميتافيرس وتأثيرهم على حياتنا.
المسلسل فيه تكنولوجيا وخيال علمي وشكل جديد للدراما، وبتشاركها البطوله النجم معتصم النهار، والتعاون ده متوقع يكسر الدنيا، خصوصًا إن القصه فيها دراما نفسيه ورقميه في نفس الوقت.
اللي يميز الدور ده إنه بيبعد تمامًا عن الأدوار اللي عملتها ميرنا قبل كده، وبتدخل فيه عالم افتراضي مش سهل، علشان توصل رساله عن هويتنا الحقيقيه وسط الزيف اللي حوالينا على النت.
يُذكر إن “فهد البطل” شارك فيه كمان أحمد عبد العزيز، لوسي، كارولين عزمي، محمود البزاوي، عصام السقا وغيرهم، لكن دلوقتي العيون كلها على الجديد اللي جاي.
