فرصة مربحة: أعلى شهادة ادخار البنك الأهلي المصري بعد خفض الفايدة 2025 الشهادات الجديدة
مع قرارات البنك المركزي الأخيرة بخفض الفائدة بنسبة 2.25%، كتير من الناس بدأت تدور على وسيلة آمنة وسريعة للادخار تحافظ على فلوسهم وتجيب عائد معقول وهنا بييجي دور الشهادة البلاتينية الثلاثية ذات العائد المتغير من البنك الأهلي المصري، اللي لسه بتقدم أعلى عائد رغم التعديلات الأخيرة.
| نوع الشهادة | نوع العائد | العائد السنوي | دورية صرف العائد | الحد الأدنى للشراء | ملاحظات |
|---|---|---|---|---|---|
| الشهادة البلاتينية الثلاثية (عائد متغير) | متغير (Corridor + 0.25%) | 25.25% | ربع سنوي | 1000 جنيه | لا يمكن كسرها قبل 6 شهور |
| الشهادات السنوية (تم إيقافها) | — | — | — | — | تم وقفها اعتبارًا من 27 إبريل 2025 |
مميزات الشهادة البلاتينية الثلاثية ذات العائد المتغير
- نوع العائد: متغير، مرتبط بسعر الإيداع من البنك المركزي + 0.25%.
- صرف العائد: ربع سنوي.
- حد الشراء الأدنى: 1000 جنيه ومضاعفاتها.
- الاقتراض بضمان الشهادة: متاح.
- بطاقات ائتمان: ممكن إصدارها بضمان الشهادة.
- كسر الشهادة: غير مسموح خلال أول 6 شهور.
- بعد الـ6 شهور: تقدر تسترد الشهادة بشروط البنك وقتها.
كيفية شراء شهادة البنك الأهلي إلكترونيًا
لو عايز تشتري الشهادة وانت قاعد في بيتك، البنك الأهلي مخلّيها سهلة من خلال “الأهلي نت” الخطوات:
- افتح تطبيق “الأهلي نت” أو الموقع الإلكتروني:
👉 https://www.nbe.com.eg - سجل دخولك بالرقم التعريفي وكلمة السر.
- اختار “إصدار شهادات استثمار”.
- حدد نوع الشهادة: الشهادة البلاتينية الثلاثية.
- اختار الحساب اللي هتخصم منه المبلغ.
- حدد قيمة الشهادة.
- اختار تعليمات تحويل العائد (تحويل على حساب توفير أو جاري).
- وافق على الشروط، واضغط “تأكيد”.
- هيجيلك رسالة فورية بتأكيد العملية.
كيفية كسر الشهادة أو استردادها
- قبل مرور 6 شهور: لا يمكن كسر الشهادة نهائيًا.
- بعد مرور 6 شهور: تقدر تطلب كسرها من أي فرع أو عبر الأهلي نت، لكن:
- البنك بيطبق شروط جزائية (خصم جزء من العائد).
- الاسترداد بيكون حسب جداول البنك المعلنة وقت الكسر.
- يفضل تسأل موظف البنك عن المبلغ الصافي قبل تنفيذ العملية.
البنك المركزي يخفض الفايدة… والبنك الأهلي بيتعامل
في 17 إبريل 2025، قرر البنك المركزي المصري خفض أسعار الفائدة بالشكل ده:
- عائد الإيداع: 25%
- عائد الإقراض: 26%
- سعر العملية الرئيسية: 25.5%
- سعر الخصم والائتمان: 25.5%
والخطوة دي هدفها تهدئة التضخم وتحقيق استقرار مالي واقتصادي على المدى المتوسط , لو بتدور على أعلى شهادة ادخار في مصر دلوقتي بعد خفض الفايدة، فالشهادة البلاتينية الثلاثية من البنك الأهلي هي الأنسب ليك عائد ثابت، أمان، ومرونة بعد أول 6 شهور، وكمان تقدر تشتريها من الموبايل أو اللابتوب من غير ما تتحرك خطوة واحدة ولو عايز تبدأ استثمار آمن ومضمون، دي فرصتك دلوقتي.
