العالم بيودع البابا فرنسيس بحضور الزعماء وطقس حار في مصر
بدأت الفاتيكان النهارده السبت 26 إبريل 2025، مراسم الحداد على البابا فرنسيس، واللي هتستمر 9 أيام متواصلين، لحد يوم 4 مايو.
الحداد معروف بأسم نوفيندياليس، وبدأ بقداس جنائزي في كنيسه القديس بطرس بحضور زعماء وملوك من العالم، زي دونالد ترامب وماكرون والملك فيليبي التوقعات ان في اكتر من 200 الف شخص هيحضر الجنازه.
وعلي الناحيه التانيه، وزيرة التخطيط رانيا المشاط قالت ان توقعات النمو الإيجابيه للاقتصاد المصري دليل ع نجاح الاصلاحات اللي الحكومه بتنفذها، ودا حسب تقارير البنك الدولي وصندوق النقد.
ومن ناحيه تانيه، وزارة الصحه أعلنت عن تدريب فوق ٢٠ الف عامل في قطاعاتها المختلفه، بهدف تحسين جودة الخدمات الصحيه للمواطنين.
بالنسبه لأسعار الذهب، حصل إرتفاع بسيط النهارده، جرام الدهب عيار ٢١ وصل لـ ٤٧٧٠ جنيه بعد ماكان امبارح ٤٧٥٠ جنيه.
أما الطقس فالمتوقع انه هيبقا مائل للحراره على القاهره وشمال الصعيد، ومعتدل على السواحل.
وفي اخبار الرياضه، مجلس إدارة النادي الاهلي هيعقد اجتماع مهم النهارده، لمناقشة مصير المدرب مارسيل كولر بعد الخروج من دوري ابطال افريقيا.
