صنداونز يقصي الأهلي ويضرب موعد مع بيراميدز فـ نهائي أفريقيا
ماميلودي صنداونز خطف الأضواء امبارح الجمعه بعد تعادله مع الأهلي ١-١ في إياب نص نهائي دوري ابطال افريقيا وبقا كده صنداونز فالنهائي مستفيد بقاعدة الهدف خارج الأرض، بعد ما كانو اتعادلو من غير أهداف فماتش الذهاب بجنوب أفريقيا.
وعلى الجانب التاني، بيراميدز صعد للنهائي لأول مره، بعد ما كسب أورلاندو بايرتس ٣-٢ في الاياب ع استاد ٣٠ يونيو، بعدما كانو اتعادلو ف الذهاب سلبى.
دي المره التالته اللي صنداونز يوصل فيها لنهائي افريقيا، وكل مره كان بيلاعب فريق مصري سنة ٢٠٠١ لعب ضد الأهلي وخسر بعد تعادل ذهاب وفوز كبير للأهلي ف الإياب ٣-٠.
بعدها صنداونز رجع للنهائي سنة ٢٠١٦ وكسب الزمالك، فاز ٣-٠ ف الذهاب والزمالك كسب ١-٠ ف الإياب، بس الكأس راح لجنوب افريقيا.
السنه دي صنداونز مشواره كان كويس، بداها بكسبان مباباني سوالوز رايح جاي ٤-٠، وبعدها دور مجموعات قدام الجيش الملكي، الرجاء ومينياما.
دلوقتي صنداونز بيستعد لمواجهة بيراميدز ع النهائي، والماتش مولع
