فيلم سيكو سيكو يواصل كسر شباك التذاكر ويتخطى الـ143 مليون جنيه
فيلم سيكو سيكو لسه مكمل نجاحه الكبير في السينمات، وحقق امبارح الجمعة إيرادات وصلت لـ2 مليون و715 ألف و575 جنيه، وبكده يكون إجمالي اللي دخله الفيلم خلال 25 يوم عرض، حوالي 143 مليون و980 ألف و341 جنيه، وبيحتل دلوقتي المركز التاني ضمن أعلى الأفلام إيراداً فمصر.
سيكو سيكو بطولة عصام عمر وطه دسوقي وباسم سمرة، ومعاهم تارا عماد وديانا هشام وعلي صبحي، وكمان بيظهر خالد الصاوي كضيف شرف الفيلم من تأليف محمد الدباح، وإخراج عمر المهندس، ومن إنتاج أحمد بدوي والشركة المتحدة للإنتاج السينمائي وفيلم سكوير.
أحداث الفيلم بتحكي عن شابين من عيلة متوسطة بيستلموا ميراثهم بعد موت عمهم، لكن الفرحة مش بتكمل لما يكتشفوا إن الميراث عبارة عن بضاعة مش قانونية بيحاولوا يتصرفوا فيها عن طريق لعبة موبايل من اختراعهم اسمها سيكو سيكو، اللي بتنجح فترة قصيرة قبل ما يظهرلهم رئيس عصابة ويدعي ملكيته للبضاعة.
وفي نفس الوقت بيُعرض في السينمات أفلام تانية زي الصفا الثانوية بنات ونجوم الساحل واستنساخ وفار بـ7 تروح وكلها بتتنافس مع سيكو سيكو على قلوب الجمهور.
