٣ آلاف طالب وطالبة يحضروا مسرحية حاجة تخوف ٢٠٢٥ في قبة القاهرة
في ليلة استثنائيه من ليالي الثقافة والفن، اتجمع أكتر من ٣ آلاف طالب وطالبة على مسرح قبة جامعة القاهرة العريق، علشان يتفرجوا على العرض المسرحي حاجة تخوف 2025 اللي قدمه نجوم مسرح مركز الإبداع الفني (دفعة علي فايز)، وده ضمن مبادرة من أجل مصر وسط حضور كبير من القيادات الثقافية والأكاديمية.
المخرج الكبير خالد جلال قال في كلمته هنا وقفت ام كلثوم، وهنا كان عيد العلم، وهنا قدمنا قهوة سادة، وانهاردة رجعنا بحاجة تخوف عرض عظيم لجمهور عظيم على مسرح عظيم
وشكر جلال وزارة الثقافة بقيادة الدكتور احمد هنو، وصندوق التنمية الثقافية برئاسة المهندس حمدي سطوحي، على دعمهم الكبير، وأكد إن نجوم مسرح مركز الإبداع قدموا ليلة استثنائية وسط حماس آلاف الطلبة.
الاحتفالية حضرها كمان الدكتور محمد سامي عبد الصادق رئيس جامعة القاهرة، واللي أشاد بالتجربة وقال إنها بترجع المسرح لدوره التنويري وسط الشباب ليلة كلها طاقة وحب للفن، والجمهور خرج مبهور ومبسوط بالتجربة.
