مسرحية نويزي TV لمحمد نشأت تواصل عروضها وسط تصفيق الجمهور بالعجوزة
مسرحية نويزي TV للفنان محمد نشأت مكملة في عروضها الجماهيريه على خشبة مسرح السامر في العجوزة، واللي بتجمع ما بين الكوميديا والاستعراضات بشكل اجتماعي عصري، وبتشهد إقبال كبير من الجمهور، وكمان نالت إعجاب النقاد، بسبب الرساله الاجتماعية اللي بتحملها.
محمد نشأت اتفاجئ بردود الأفعال القوية من أول يوم عرض، وأكد إنه حاسس بسعادة كبيرة وهو واقف على خشبة المسرح، وإن متعة المسرح مفيش حاجة تانيه بتعوضها.
قصة المسرحية بتحكي عن شخصية شريف، اللي بيتصادم مع صاحبه مهند حوالين فكرة الإعلام المحترم، خاصة إن مهند عنده قناة تلفزيونية بتقدم محتوى ملوش أي هدف ومليان جدل، وشريف بيحاول يغير ده ويخلي القناة تقدم حاجة مفيدة للمجتمع.
مسرحية نويزي TV بطولة محمد نشأت، حمدي عباس، مروة الصباحي، رامي رمزي، مصطفى موسى، وسمر الشاذلي، وهي من تأليف مصطفى موسى وإخراج نهال أحمد ليلة ورا ليلة المسرحية بتثبت نجاحها وسط ضحك وتصفيق الجمهور.
